Елдің шынайы күші оның бірлігінде жатыр. Бірлігі күшті ел – тек ішкі тұрақтылығын сақтап қана қоймай, халықаралық аренада да абыройлы, әрі беделді болады. Қоғамның бірлігі әрқашан мемлекеттің негізгі қуатына айналып, халықтың арасында ынтымақтастық пен өзара құрмет орнату арқылы даму мен өркендеуге жол ашады.
Біздің еліміз – бірлігі күшті мемлекеттің жарқын мысалы. Бұл елде әртүрлі этностар мен ұлттардың өкілдері бір арнаға тоғысып, өзара татулық пен бейбітшілікті сақтап келеді. Қазақстан халқы Ассамблеясы сияқты институттар ұлтаралық келісімді нығайтып, мемлекетіміздің бірлігін қамтамасыз етуге ықпал етеді. Әрбір азамат өз тілін, мәдениетін және дәстүрін қадірлей отырып, еліміздің ортақ мүддесіне қызмет етеді. Бұл қоғамның барлық салаларында үйлесімділікті қалыптастыруға мүмкіндік береді.
Кабиева Гүлнар, «Жас Ақтөбе» қоғамдық қорының мүшесі
