– Президентіміздің «Әрбір облыс, аудан орталығында, кент пен ауылда балаларға арналған футбол алаңы болуға тиіс. Бұл – алдағы екі жылдың міндеті. Оның орындалуын тексереміз» деген тапсырмасы – өте орынды әрі уақыт талабына сай көтерілген мәселе.
Бүгінде балалар мен жасөспірімдердің спортқа деген қызығушылығын арттыру үшін сапалы инфрақұрылым қажет. Әр ауылда, аудан орталығында заманауи футбол алаңдарының болуы – жас спортшылардың дамуына үлкен мүмкіндік береді.
Біз, спорт мектептері, осы бағытта аянбай еңбек етіп, талантты балаларды тәрбиелеуге бар күшімізді саламыз. Егер жүйелі қолдау көрсетілсе, еліміздің футболы жаңа деңгейге көтерілері сөзсіз.
Ерғазин Ринад Серікұлы, Хромтау аудандық балалар және жасөспірімдер спорт мектебінің директоры, ҚР (волейболдан) U-16 құрама командасының бас жатықтырушысы