– Президентіміз ұрпақ тәрбиесіне ерекше мән беріп, бұл мәселені мемлекеттік деңгейде көтеріп отырғаны өте орынды. Шынында да, соңғы жылдары білімге көбірек көңіл бөлініп, тәрбие жағы екінші орынға ысырылып қалғандай еді. Алайда тәрбиесіз берілген білім – болашақ ұрпақ үшін үлкен қауіп.
Бала тәрбиесі – отбасы мен мектептің ортақ міндеті. Әсіресе, үлкендердің ақылы мен өнегесі жастар үшін баға жетпес қазына. Қазақтың «Қызға қырық үйден тыйым» дегеніндей, ұл мен қызды ұлттық дәстүрге сай тәрбиелеу – біздің басты парызымыз. Сондықтан Президентіміз қолдап отырған «Адал азамат» бағдарламасы арқылы әрбір балаға патриоттық, еңбекқорлық, адамгершілік қасиеттерді сіңіруіміз қажет.
Біз, әжелер, жас ұрпаққа дұрыс бағыт-бағдар беріп, ата-баба дәстүрін ұмытпауына ықпал етуіміз керек. Ұлт болашағы – тәрбиелі, саналы, отаншыл ұрпақтың қолында!
Успанова Жансара Күзембайқызы, Хромтау аудандық Әжелер кеңесінің төрайымы, білім саласының ардагері