"Хромтау" аудандық қоғамдық-саяси газет
Жаңалықтар

Құрылтай – елдік мүддені ұлықтайтын маңызды институт

Құрылтай – елдік мүддені ұлықтайтын маңызды институт

Еліміздің қоғамдық-саяси өмірінде әрбір конституциялық үдерістің өзіндік орны бар. Соның бірі – Құрылтай депутаттарын сайлау. Бұл – заңмен белгіленген тәртіппен жүзеге асырылатын маңызды мемлекеттік рәсім.

Қазақ халқы үшін «құрылтай» ұғымы ежелден елдік мәселелер талқыланатын, ортақ мәмілеге келетін маңызды кеңес болған. Бүгінде осы тарихи ұғым жаңа мазмұнмен жаңғырып, мемлекетіміздің құқықтық жүйесіндегі маңызды институттардың біріне айналып отыр.

Мен қоғамның тұрақтылығы мен бірлігі ең алдымен заңға құрметтен басталады деп есептеймін. Сондықтан мұндай қоғамдық-саяси науқандардың заң талаптарына сай, ашық әрі жария түрде ұйымдастырылуы ерекше маңызға ие. Бұл – құқықтық мемлекеттің басты қағидаттарының бірі.

Құрылтай депутаттарының сайлауы – мемлекеттік институттардың сабақтастығын қамтамасыз ететін, қоғамдық сенімді нығайтуға қызмет ететін маңызды үдеріс. Осындай кезеңдерде азаматтардың ресми ақпаратқа сүйеніп, сайлау заңнамасының талаптарын білуі құқықтық мәдениеттің қалыптасуына ықпал етеді.

Елдің болашағы ең алдымен заңның үстемдігіне, қоғамдық келісімге және азаматтық жауапкершілікке негізделеді. Осы құндылықтар қай кезде де қоғамның дамуына берік негіз болып қала береді.

Полат Базарбаев, медицина ғылымдарының кандидаты, профессор