Әркезде болмасын дұрыс тамақтану балалардың зейінін, күш-қуатын және жалпы көңіл-күйін жақсартады. Соның ішінде, балаларымыз күндерінің жартысын мектеп қабырғасында өткізетіні сөзсіз. Сондықтан, мектепте балаларға ұсынылатын ас мәзірі әртүрлі, теңдестірілген және пайдалы болуы тиіс. Себебі, мектептегі тамақтану жүйесі тек оқушылардың денсаулығына ғана емес, сонымен қатар олардың оқу үлгеріміне де әсер етеді. Дұрыс тамақтану арқылы балалардың психикалық дамуы, зейін жинақтауы және оқу қабілеті артады.
Бүгінгі күні, мемлекет тарапынан мектептегі тамақтану мәселесіне ерекше көңіл бөлінуде. Бастауыш сыныптары мен аз қамтылған отбасылардан шыққан оқушылар үшін ыстық тамақтану ұйымдастырылуда. Сондай ақ, өңірде “Алақан” бірыңғай жүйесі қолданысқа еңгізіліп, ата-ана мен мектеп қызметкерлері үшін тиімділік сыйлауда. Ата-ана күнделікті ас мәзірін бақылап, пікірін білдірсе, мектеп қызметкерлері үшін ата-ана пікірін ескере отыра асханадағы қызмет сапасын одан әрі жетілдіруге мүмкіндік береді. Қорыта келе, балаларымыздың дені сау, қуатты және білімді болып өсуі үшін сапалы тамақтану өте маңызды дегім келеді.
Фархад Сағынбай
Хромтау аудандық мәслихат депутаты