Төрт жылдың ішінде педагогтардың жалақысының 100% өсуі – бұл еліміздің білім беру саласына көрсетіліп жатқан айтарлықтай қолдау. Бұл қадам мұғалімдер мен оқытушылардың еңбегін бағалау және олардың әлеуметтік жағдайын жақсартуға бағытталған маңызды шара болып табылады. Мұғалімдер – қоғамның іргетасын қалаушы, ұрпақ тәрбиелеп, білім беру саласында елеулі еңбек ететін мамандар. Жалақының артуы олардың жұмысқа деген мотивациясын жоғарылатып, кәсіби деңгейін арттыруға әсер етеді. Сонымен қатар, бұл өзгеріс мұғалімдердің қоғамдағы мәртебесін көтеріп, жас мамандарды осы салаға тартуға да ықпал ететіні сөзсіз.
Бұдан бөлек, педагогтардың жалақысының өсуі білім беру сапасын жақсартуға мүмкіндік береді, өйткені бұл қаржылай қолдау мұғалімдерге қосымша білім алу, оқушылармен тиімді жұмыс істеу үшін қажетті ресурстарды пайдалану мүмкіндігін ашады. Бұл қадам білім беру жүйесіндегі жетістіктерге жаңа серпін беретіндігі сөзсіз.
А. Тургумбаева
“7 Хромтау мектеп- гимназия” КММ директоры