Қазіргі таңда елімізде атом электр станциясын салу туралы мәселе көпшіліктің қызу талқысына түсіп отыр. АЭС салу – бұл энергетикалық тәуелсіздікке қол жеткізудің бір жолы. Бүгінгі таңда энергияға деген сұраныс күн сайын артып келеді, ал қазба отындарының қорлары шектеулі. Сондықтан біз жаңартылатын энергия көздерімен қатар, атом энергиясын пайдалану арқылы осы тапшылықты азайтуға тиіспіз.
АЭС-тің тиімділігі жоғары – бір атом станциясы жылдар бойы миллиондаған тұрғындарды электр энергиясымен қамтамасыз ете алады. Сонымен қатар, көмір жағу сияқты зиянды шығарындыларды азайтуға мүмкіндік береді, бұл біздің экологиялық жағдайды жақсартуға қосқан үлесіміз болар еді.
Әрине, кез келген технологиялық жоба сияқты, АЭС те белгілі бір деңгейде қауіп төндіруі мүмкін. Алайда, заманауи технологиялар мен қауіпсіздік стандарттары бұл қауіптерді барынша төмендетуге мүмкіндік береді. Біз көрші мемлекеттердің тәжірибесін зерттеп, ең үздік үлгілерді таңдауымыз қажет. Жергілікті тұрғындардың пікірі де ескерілуі тиіс, өйткені кез келген маңызды шешім халықтың мүддесіне сай болуы қажет.
Сонымен, АЭС – болашақта энергия тапшылығын шешуге мүмкіндік беретін маңызды қадам. Бірақ, оны жүзеге асыруда ашықтық пен сақтық қажет деп санаймын.
Эльмұрат Болатұлы, Хромтау аудандық мәслихат төрағасы