– Мемлекет басшысы еліміздің жетістіктерін нақты деректермен атап өтті. Расында, ауыл шаруашылығынан бастап кәсіпкерлікке, білім беру мен тұрғын үй құрылысына дейінгі салаларда айтарлықтай өсім бар. Бұл – мемлекеттің халық үшін жасаған қажырлы еңбегінің нәтижесі.
Ауыл еңбеккерлерін қолдау – елдің азық-түлік қауіпсіздігін қамтамасыз етудің кепілі. Президентіміз атап өткендей, 27 миллион тонна астық жиналуы – осы салаға көрсетілген қолдаудың жемісі. Біз бұл табыстарды одан әрі еселеп, жастарды еңбекке баулып, ауылдық жерлердегі өмір сапасын жақсарта түсуіміз қажет.
Қазақстанның халықаралық аренадағы беделінің артуы да – халықтың бірлігі мен елдің тұрақты дамуының айқын көрінісі. «Еңбек жолы мұратқа жеткізеді» деген Президент қағидасы әрбір азаматтың санасында болуы тиіс. Біз, ардагерлер, өскелең ұрпаққа осы еңбексүйгіштік қасиетін сіңіріп, елдің дамуына үлес қосуды басты міндетіміз деп білеміз.
Біржанов Қуаныш Қашқынбайұлы, Хромтау аудандық ардагерлер кеңесінің төрағасы, ауыл шаруашылығы саласының ардагері