Ұлттық құрылтайда ғылым мен білім тақырыптары да қозғалды. Төртінші Ұлттық құрылтай аясындағы ғылым мен білім, әлеуметтік-экономикалық даму тақырыптары сөз болды. Құрылтай мүшелері аталған салалардағы өзекті деген мәселелерді ортаға салып, бірқатар ұсыныс пен бастама көтеріп жатты. Отандық ғылым мен білім беру және әлеуметтік — экономикалық салаларға серпін беруді көздейтін іргелі жобаларды қолға алу мәселесі де қозғалды. Жылдан жылға дарынды балалардың көбейіп келе жатқандығы қуантқанымен, не зияткерлік мектептер, не білім — инновациялық лицейлердің жетіспей тұрғандығы туралы айтылды.
«Әлеуметтік инфрақұрылым тұрғысынан кітапхана, театр, жақсы мектептер сынды әлеуметтік инфрақұрылымын дамытсақ, халықтың әл-ауқаты да дамиды» деген ұсыныстар айтылды. Дарынды балаларға арналған мектептердің көптеп ашылуы өскелең ұрпақтың білімге деген құштарлығын арттырып, дарынды балалардың шабытануына мол үлесін қосатыны сөзсіз.
Білімді ұрпақ-болашақ кепілі. Сондықтан келешек ұрпағымызды білімді, білікті, бәсекеге қабілетті етіп тәрбиелеу басты міндет. Мемлекет басшысының ашық алаңда тың мәселерді көтеріп, еліміздің даму жолындағы бастамаларын қолдаймын, сенім білдіремін.
№2 Хромтау гимназиясының қазақ тілі мен әдебиеті пәні мұғалімі Тнаева Шайгүл Каленқызы