– Президентіміздің білім саласына ерекше көңіл бөліп, Ұлттық құрылтайдың IV отырысында білім саласына қатысты нақты тапсырмалар жүктелетінін айтты:
«Баршаңызға мәлім, екі жыл бұрын менің тапсырмаммен «Жайлы мектеп» ұлттық жобасы басталды. Жобаның негізгі мақсаты мектептегі орын тапшылығын жою, сондай-ақ, апатты және үш ауысымды мектептер мәселесін шешу болды.
Үш жылда 1300, соның ішінде ауылдағы 900 білім ордасын жаңғырту қажет. Жаңа оқу жылына дейін мемлекеттік және жекеменшік мектептің барлығы балалардың қауіпсіздігін қамтамасыз ететін арнайы құралдармен жабдықталуға тиіс»,-деді.
«Жайлы мектеп» ұлттық жобасының жүзеге асуы– болашақ үшін жасалған маңызды қадам. Бүгінде сапалы білім беру тек оқу бағдарламасымен шектелмей, қолайлы инфрақұрылым мен қауіпсіз орта қалыптастыруды да талап етеді.
Апатты және үш ауысымды мектептердің мәселесін шешу – балалардың лайықты білім алуына мүмкіндік береді. Сонымен қатар, жаңа технологиялармен жабдықталған заманауи мектептердің салынуы оқушылардың білім сапасына оң әсер ететіні сөзсіз.
Мемлекет басшысы атап өткендей, 1300 мектепті жаңғырту және 200-ден астам жаңа мектеп салу – білім саласын түбегейлі жақсартуға бағытталған жүйелі шаралар. Бұл – еліміздің келешегіне салынған инвестиция.
Серік Ізтлеуов,
Хромтау аудандық білім саласы ардагерлері кеңесінің төрағасы.