– Президентіміз «Таза Қазақстан» бастамасының тек науқан емес, әр адамның өмір салтына айналуы керектігін атап өтті. Бұл – өте дұрыс ой. Тазалық – тек сенбілікпен шектелмейтін, күнделікті қалыптасқан әдет болуы тиіс.
Біздің мекеме жыл он екі ай бойы қала көшелерінің тазалығын қамтамасыз ету үшін еңбек етеді. Алайда қоршаған ортаның таза болуы тек коммуналдық қызметке ғана байланысты емес. Әрбір азамат өз ауласын, өз жұмыс орнын таза ұстаса, қаламыз одан әрі көркейе түсер еді.
Тазалық – мәдениеттің айнасы. Қоршаған ортаны күтіп ұстау – өзімізге, болашақ ұрпаққа деген құрмет. Сол себепті «Таза Қазақстан» акциясын тек бір күндік шара ретінде емес, ортақ жауапкершілік деп қарастыруымыз қажет.
Талма Тасбулатова,
«Нұр-Сапар» ЖШС басшысы