Президентіміз Қасым-Жомарт Кемелұлын Ұлттық құрылтайдың IV отырысында «Қазақстанның кемінде төрт салада орасан зор мүмкіндіктері бар. Осы салаларда біз өз елімізді қамтамасыз етіп қана қоймай, аймақтық, тіпті, жаһандық ауқымда ықпалымызды жүргізе аламыз.
Цифрландыру ісі мен жасанды интеллект, көлік тасымалы, энергетика, агроөнеркәсіп кешені және адам капиталы негіз болады»,- деді.
Қазіргі заман – білім мен технологияның дәуірі. Оқушылардың жаңа технологияларды игеруі, жасанды интеллектпен жұмыс істеуді үйренуі – елдің болашағы үшін аса қажет.
Өткен жылы Мемлекет басшысының ауданымызға сапары кезінде балалардың робототехника бағытында жасаған жобаларын ерекше ықыласпен тамашалағанына куә болдық. Бұл – елімізде IT-білімге, инженерлік ойлау қабілетіне басымдық беріліп отырғанының айқын көрінісі.
Біз, мұғалімдер, оқушыларымызға сапалы білім беріп қана қоймай, оларды жаңа технологиялармен жұмыс істеуге бейімдеуіміз керек. Бүгінгі ұрпақ – ертеңгі бәсекеге қабілетті маман. Сондықтан цифрлық білім беру, математикалық және логикалық ойлауды дамыту – біздің басты міндетіміз.
Намазбаев Бегжан Абдуғаппарұлы, Хромтау қаласындағы №3 орта мектептің математика пәнінің мұғалімі