Ұлттық құрылтай: Жастар үшін жаңа мүмкіндіктер алаңы

Бүгінгі таңда Қазақстанның дамуында маңызды рөл атқаратын Ұлттық құрылтай — жастар үшін өз ойымызды ашық айтып, ел болашағына үлес қосуға таптырмас мүмкіндік.

Ұлттық құрылтай — түрлі сала мамандары, қоғам белсенділері мен жастар қозғалысының өкілдері бас қосатын ұлттық диалог алаңы. Бұл жерде біз өзекті мәселелерді талқылап, қоғам үшін маңызды шешімдерге ықпал ете аламыз.

Неге бұл маңызды?

Жастар дауысы естіледі — біздің ұсыныстарымыз мемлекеттік деңгейде қарастырылады.

Өзгерістерге үлес қосамыз — құрылтай қоғамдық-саяси, әлеуметтік, мәдени бағыттағы жаңа бастамаларға жол ашады.

Тәжірибе алаңы — белсенді азаматтық ұстанымымызды қалыптастырып, білікті мамандармен жұмыс істеу мүмкіндігіне ие боламыз.

Біз — Қазақстанның болашағымыз! Сондықтан еліміздің дамуына немқұрайлы қарамай, өз идеяларымызды ортаға салып, елдік мүдде жолында белсенді болайық! Ұлттық құрылтай – біздің болашағымызды бірге қалыптастыратын алаң!

Айтекешов Нұркен
Хромтау ауданының белсенді жасы, волонтер