Президент Қасым-Жомарт Тоқаевтың қатысуымен Бурабайда өткен Ұлттық құрылтайдың IV отырысында бірқатар маңызды мәселелер талқыланды.

Мемлекет Басшысы өз сөзінде: «Алдағы төрт жыл ішінде елімізде жыл сайын 200-ге жуық инвестициялық жоба іске қосылады. Бұл қадам елдің жаңа индустриялық келбетін қалыптастырып, көлік-транзиттік әлеуетін нығайтуға мүмкіндік береді. Қазақстанға ірі инфрақұрылымдық жобалар ауадай қажет. Мұндай жобалар өңірлердің экономикалық мүмкіндіктерін кеңейтіп, мыңдаған жаңа жұмыс орындарын құруға және халықтың әл-ауқатын жақсартуға ықпал етеді. Жалпы алғанда, ауқымды жобаларды жүзеге асыру – еліміздің осы аймақтағы көшбасшылық рөлін арттыратын маңызды фактор», – деп атап өтті.

Бұл бастамалардың нақты тапсырмалармен бекітілуі – құптарлық іс. Себебі, өңірлердің қарқынды дамуы мен ел экономикасының тұрақты өсуі осындай жүйелі жобаларға тікелей байланысты.

Болатов Эльмурат Болатович
Хромтау аудандық мәслихат төрағасы