Ел амандығы – құтқарушылардың басты міндеті
Бала кезінен әскери болуды армандаған Әли өз өмірлік жолын азаматтық қорғау саласынан тапты. 2018 жылы ол еңбек жолын Хромтау ауданының №20 өрт сөндіру бөлімінде өрт сөндіруші лауазымынан бастады. Алғашқы күндерден-ақ жауапкершілігі жоғары, бастамашыл қызметкер ретінде танылды.
Табандылығының, тәртібі мен кәсіби өсуге деген ұмтылысының арқасында ол инженерден аға инженерге дейінгі лауазымда қызмет атқарып, мол тәжірибе жинады. 2024 жылы Әли Ақтөбе облысы ТЖД Төтенше жағдайларды жою басқармасының бас маманы қызметіне тағайындалды.
Жеті жылдық қызмет барысында Әли Омаров әріптестері мен басшылығының құрметіне ие бола отырып, айтарлықтай кәсіби өсуге қол жеткізді. Оның жолы – халыққа шынайы қызмет етудің, батылдық пен парызға адалдықтың үлгісі.
Әли Омаровтың тарихы – қазіргі заманғы азаматтық қорғау жүйесінің қалыптасу тарихы. Ол сияқты қызметкерлер ТЖМ мақтанышы және азаматтардың қауіпсіздігін қамтамасыз етуде мемлекеттің тірегі болып табылады.