Кеше Мемлекет басшысы таныстырған жаңа Конституциялық реформалар еліміздің саяси шежіресіндегі айтулы белес болып табылады. Бұл құжат — тек заңдар жиынтығы емес, бұл — ел дамуының жаңа парадигмасы мен ұлттық жаңғырудың бағдаршамы. Музей саласының мамандары ретінде біз бұл тарихи қадамның мәнін терең түсінеміз, өйткені Ата Заң — біздің мемлекеттілігіміздің басты жәдігері және тұрақтылығымыздың кепілі.
Конституциялық өзгерістер ұлттық бірегейлікті нығайтуды көздейді. Музейлер — халықтың тарихи жадын сақтаушы киелі шаңырақ. Реформа аясында айқындалған мемлекеттік бағыт бізге бабалар аманатын ұлықтауға және ұлттық құндылықтарды жаңа заман талабына сай насихаттауға зор мүмкіндік береді.Мемлекет басшысы билік пен халық арасындағы жаңа диалог форматын ұсынды. Бұл дегеніміз — мәдени мекемелердің, соның ішінде музейлердің қоғамдық-саяси өмірдегі рөлін күшейту. Біздің экспозицияларымыз бен ғылыми зерттеулеріміз ендігі кезекте осы жаңа конституциялық құндылықтарды — әділдікті, теңдікті және патриотизмді дәріптеудің негізгі құралына айналуы тиіс.
Жұмасұлу Өркенова,
зейнеткер